Колледж директоры Р.Ж.Алибаева Педагогикалық ұжыммен, білім алушылармен кадрларды даярлаудың өзекті мәселелері бойынша “Келешекке көз жүгіртсек...” ашық пікір алаңын жүргізді. Келген қонақтарға дуальды оқыту, меморандум, академиялық дербестік туралы айтып өтті. 4-курс білім алушылары Жұмыс берушілерге өздерінің тараптарын сұрақтар қойды. “Еңбегіне лайықты құрмет!” – белсенді Жұмыс берушілер Н.А.Укибаевты, А.Ерболовты Қазақстан Республикасының Оқу-ағарту министрлігінің, колледждің Алғыс хаттарымен марапаттады.

Б.Е.Нұрбергенованың ұйымдастыруымен 2-курс білім алушыларына «Мамандығым – мақтанышым» т/тәрбиелік шарасы өтті. Шараға Жұмыс берушілер және колледж түлектері Р.Сакиева мен Ж.Заулекенова қатысты. Білім алушылар таңдаған мамандықтары туралы таныстырылым жасап, «Колледж қабырғасындағы 1 күн» тақырыбында бейнематериал дайындап, колледж түлектеріне сұрақтар қойылып, жауаптар алынды.
 

Арнайы пән оқытушысы Л.М. Абдуллаева «Эпидемиология негіздері» пәнінен «Тамақтан бактериялық улану, Ботулизм» тақырыбында ашық сабақ өткізді. 
Арнайы пән оқытушысы Н.С.Рахмет «Жұмыс берушілер қызметкерімен тәжірибелік таным сабағын» өткізді.  
 

Арнайы пән оқытушысы С.А.Сариева медицинаның өзекті мәселелері бойынша “Білім мен білікті қоса игеріп...” арнайы пән оқытушылары-тәлімгерлер тренингін өткізді.
Шара соңында «Атамекен» кәсіпкерлер палатасынан келген қонағымыз Г.К.Балжигитова белсенді жұмыс берушілерді Алғыс хатпен марапаттады. “Көңілді көтерер – әсем саз...” тақырыбында шарамызды қорытындылап «Науқас» атты скетч қойылып, ән-күй тыңдап, кеш қонақтары өздерінің алғыс, тілектерін білдірді. 
 

ПАТРИОТИЗМ – ҰЛТТЫҚ РУХТЫҢ АСҚАҚ БЕЛГІСІ
Ұлттық мереке – Республика күніне байланысты колледжімізде «Патриотизм – ұлттық рухтың асқақ белгісі» тақырыбында мәнерлеп оқу байқауы өтті. Байқауға білім алушылар өз шығарған туындыларын ұсынды және туған ел, туған жер туралы рухты, патриоттық өлеңдерді мәнерлеп оқыды. Байқау барысында тағы да мереке туралы ақпараттар берілді.

Қарттарымызды қадірлейік!
1 қазан – Қарттар күніне байланысты ЕФ-20-9қ3-1, ЕФ-21-9қ2-1 және ЕФ-22-9қ1-1 тобының білім алушылары азын-аулақ көмек көрсетіп, көңілін көтеру мақсатында қарттармыздың үйіне барып қайтты.
Қарт адамдарға көмек көрсету – қайырымдылықтың ең танымал түрі емес, өйткені олар туралы көбінесе мереке кезінде ойлай бастайтынымыз ақиқат. Арнайы мерекелерде сыйлықтар таратып, одан соң тағы да қарттар туралы ұмытып та кетеміз. Бірақ басты мәселе материалдық қиыншылық кезінде әжелер мен аталарға сыйлықтар мен тәттілер үлестіру емес, оларға үнемі көңіл бөліп, жылы лебіз бен ашық көңілімізді білдіруіміз қажет.

Рухани құндылықты жаңғырту

Аудандық Ішкі саясат бөлімінің және «Жәрдем Атырау» корпоративтік қорының ұйымдастыруымен кездесу өткізілді. Кездесуге «Шапағат» қоғамдық қорының теолог маманы Д.Балықшиев қатысып, Атырау облысы Дін істері басқармасының 2022 жылдың ІІ жартыжылдығына арналған халықтың мақсатты топтарына ақпараттық – түсіндіру жұмыстарын жүргізу  бойынша іс-шаралар жоспарына сәйкес студенттердің діни ұстанымдарын насихаттау және мекеме ережелерін бұзу, діни жоралғыларды колледж ғимаратында өткізу тыйым салынатыны туралы «Рухани құндылықтарды жаңғырту-радикалды идеологияның алдын-алу құралы» тақырыбында түсінік жұмыстары жүргізілді. Сонымен қатар ҚР ӘҚТбК-нің 453 және 490 баптарында көрсетілген жауапкершіліктер бойынша тоқталып, қызметкерлер тарапынан қойылған сұрақтарына жауап берілді.
 

МАМАНДЫҒЫМ ДӘРІГЕР

Соңғы кезде медициналық оқу орнына түсушілер саны жылға артуда. Болашақта өз ісінің үлкен маманы болу үшін, студенттерге ынта беру мақсатында Жастар ресурстық орталығының ұйымдастыруымен колледж студенттері арасында «Мамандығым дәрігер» тақырыбында видеобайқау өтті. Байқауға 2-курс білім алушылары Русланова Ақалтын мен Сариева Құралай және 4-курс білім алушысы Нұржанов Бекмарғұлан қатысып, жүлделі І, ІІ және ІІІ орынды иеленді. 

ТАБИҒАТҚА ТАЗАЛЫҚ ТӘН
«Тазалық – табалдырықтан басталады», демекші қоршаған ортаның тазалығына жауапкершілікпен қарау – әрбір азаматтың басты міндеті. Тазалықты жанына серік еткен колледж білім алушылары бүгін колледж ауласына санитарлық тазарту жұмыстарын жасап, сенбілік шарасына белсене араласты.

САНАЛЫ ҰРПАҚ – ҰЛТ БОЛАШАҒЫ
  Білім күні - 1 қыркүйек күні 1-курс білім алушылары үшін «Саналы ұрпақ – ұлт болашағы» тақырыбында салтанатты жиын өтті. Колледж директоры Р.Ж.Алибаева білім алушыларға құттықтау сөзін арнап, оқу орнының өзіндік ерекшеліктерімен таныстырып өтті. 4–курс білім алушысы Бауыржан Ақбота биылғы білім алушыларға ізгі тілектерін арнады. Жиында колледж Әнұраны орындалып, әсем әндер қуаныш сыйлады. Мерекеге ата-аналар да қатысты. Директор Р.Ж.Алибаева оқу орны қоғамдық жұмысына белсене қатысқан білім алушыларды Алғыс хаттармен марапаттады. Бұл күн жаңадан келген білім алушыларға зор үміт артып, сенім білдіргендей.

7 қыркүйек күні колледжімізде Аудандық Ішкі саясат бөлімінің және “Жәрдем Атырау” корпоративтік қорының ұйымдастыруымен кездесу өткізілді.
Кездесуге “Шапағат” қоғамдық қорының теолог маманы Думан Балықшиев қатысып, радикалды идеологияның алдын алу, жат ағымның жолына кетпеуді алдын алу тақырыптарына әңгіме өрбітті. Білім алушыларға тақырыпты ашып түсіндіріп, білім алушылар тарапынан туындаған сұрақтарына жауап берді.

Наурыз мейрамы — ежелгі заманнан қалыптасқан жыл бастау мейрамы. Наурыз – көктемгі күн мен түннің теңелетін күні. Бұл күні жер шары алаңдарын қоспағанда, бүкіл жер бетінде күн мен түн теңеседі.
Колледжімізде мереке қарсаңында «Қош келдің, әз Наурыз!» тақырыбында ашық шара өтті. Аталған шарада студенттер Наурыз туралы ақпараттармен бөлісіп, қазақтың ұмыт болған салт-дәстүрінен көрініс қойып, ұлттық ойындар ойнады.

Жалғыз қалған қарияларға көмектесейік!
Алғыс айту күніне байланысты колледж білім алушылары азын-аулақ көмек көрсетіп, тұрғындардың көңілін көтеру мақсатында тәтті таратты. Қарт адамдарға көмек көрсету - қайырымдылықтың ең танымал түрі емес, өйткені олар туралы көбінесе 9 мамыр мен қарттар күні және жаңа жыл қарсаңында ойлай бастайтынымыз ақиқат. Адамдар арнайы мерекелерде сыйлықтар таратып, одан соң тағы да қарттар туралы ұмытып кетеді. Бірақ басты мәселе материалдық қиыншылық кезінде әжелер мен аталарға сыйлықтар мен заттар үлестіру емес, оларға үнемі көңіл бөліп қатысып тұру екендігін ұмытып жатамыз. Әсіресе, жалғыз басты қалған қарт адамдарға материалдық көмектен көрі жылы лебіз бен ашық көңіл өте қажет.

Студенттік Парламент мүшелері 1 наурыз-Алғыс айту күніне “Парыз екен бәріне алғыс айту” тақырыбында құттықтау жолдады.
Алғыс айту күні – күрделі заманда иық тіресе бірге еңсеріп, қысқа мерзім ішінде Елбасының басшылығымен Тәуелсіз Қазақстанды құру жолында аянбай тер төккен еліміздің барлық азаматттарының бір-біріне құрмет білдіретін күн.